Dy të rinj nga Tirana janë arrestuar në flagrancë nga Policia e Sarandës pasi kishin mbjellë disa rrënjë kanabis në qytetin bregdetar.
Sipas informacioneve paraprake, janë arrestuar Orjan Zekaj 21 vjeç dhe Mirdash Lila 26 vjeç, të dy banues në Tirana pasi në afërsi të grykëderdhjes së Butrintit kishin përshtatur një pjesë pylli për kultivim hashashi. Policia ka gjetur në vendin ku ata qëndronin një kasolle të ngritur dhe disa goma të vjetra makinash për të mbjellë 50 kubikët e kanabisit.
Menjëherë dy të rinjtë janë shoqëruar në Komisariatin e Sarandës për veprime të mëtejshme hetimore.
