Në mbledhjen e Këshillit Kombëtar të Integrimit, kryeministri Edi Rama ka kremtuar edhe arritjen e marrëveshjes për Reformën Zgjedhore.
Rama nuk e ka pritur mirë faltin se kjo marrëveshje u arrit në “tokën amerikane”, pasi palët politike në vend nuk arrijnë dot të gjejnë gjuhën e përbashkët.
“I gjithë ky qëllim e bën të duket akoma më problematikë që jemi ende të paaftë të komunikojmë shqip me njëri-tjetrin pa përkthye. Rasti i fundit është flagrant. Jemi mbledhur në një ambasadë të gjithë përfaqësuesit e forcave politike, mbyllur atje me ditë dhe netë për të lënë gjërat siç janë për tu marrë vesh në fund se nuk duhet bërë atë që duhet të bënim, por do i lëmë gjëra siç janë. Kur sheh këtë fund, mund të mendosh po këtë nuk mund ta realizoni vetë. Pse duhej që të kërkonim ndihmë në një ambasadë mike. Pse duhej që komunikim mes nesh të kalonte në disa gjuhë. Më vjen keq, por mendoj se kjo do jetë e fundit dhe miqtë tanë të paçmueshëm nuk duhet të ndjehen më në këtë pozitë ashtu sikundër edhe zgjedhësit tanë nuk kanë pse të shohin nga dyer e ambasadave, nuk është sekret q ëme presidentin kemi çështje të hapura por patjetër që mund të takoheshim te Presidenti, te kryetari i Kuvendit, te kryemyftiu i Tiranë, te Baba Mondi, mund të shkojmë edhe te protestantë, por nuk mundet më që të bëjmë dialog dhe marrëveshje nëpër ambasada. Kjo duhet të jetë e fundit”, tha Rama.
Vijon…
