Protestës në Bulevardin “Nënë Tereza” me sloganin “për fëmijërinë e vjedhur” është bashkuar edhe babai i vajzës së dhunuar nga roja i shkollës dhe të rinjtë në Kamëz.
Gjatë fjalës së tij për mediat, ai i ka bërë thirrje shtetit që ta shpërngulë në një shtëpi tjetër, pasi i bëjnë shantazh se do ta vrasin.
Më tej, i ati i 15-vjeçares shprehet se nëse qeveria nuk jep dënimin për e merituar për 65-vjeçarin, është ai që do ta bëjë.
“I lutem shtetit që të na çojë në një shtëpi tjetër dhe Elvis Naçit, kam një hyrje në filan vend, të na e ndërrojë kokë për kokë. Shkoj tek shtëpia në Paskuqan, më bëjnë shantazhe, do të vras.
Aty është komitet i vogël, unë tani kam shkuar në Babrru, ku gjejnë e bëjnë. I lutem drejtoreshës së Ministrisë së Arsimit, mirë që e vuajti vajza ime, mos ta vuajnë të tjerët. Ai që e bëri, u kalb atje. Unë do e kisha vrarë, po mirë që hyri në burg. Nëse qeveria nuk i jep dënimin e merituar, do ia jap unë si prind”, tha babai para mediave.
