Kurti: Duhen zgjedhje të reja, tashmë po mbahen anembanë Evropës

Kryeministri në detyrë i Kosovës, Albin Kurti thotë se nuk ka ngërç politik në vend dhe se situata zgjidhet me mbajtjen e zgjedhjeve.

Në një postim në Facebook, Kurti shkruan se zgjedhje do të ketë në qershor në Islandë, Francë dhe Serbi, kurse në korrik në Maqedoninë e Veriut, Spanjë dhe Kroaci.

Postimi i plotë

Bordi i Paqes/ Forca e Sigurisë së Kosovës mbërrin në Gaza për misionin paqeruajtës –

Aksion në burgje, Forcat Speciale sekuestrojnë sende të ndaluara dhe drogë –

Dhimbje në Lezhë, familja hap dyert e mortit për mjekun dhe të bijën –

Bllokohen dy autobusa me nxënës në Zvërnec, një prej tyre del nga rruga –

Ngërçi institucional shfaqet vetëm kur përjashton zgjedhjet. Sot u bënë dy muaj nga mocioni i mosbesimit. Më 25 mars krizës shëndetësore iu pat shtuar edhe ajo politike. Mirëpo, ne po ia dalim. Dje ishte dita e parë, që nga 13 marsi, pa të infektuar me virusin Corona.

Ngërç institucional? Nuk është e vërtetë. Mospajtime ka, por edhe zgjidhje ka. Në përputhje me Kushtetutën tonë nevojiten zgjedhje të reja. Ato tashmë po mbahen anembanë Evropës.

Pas shëndetit të popullsisë dhe ekonomisë, është në pyetje edhe shëndeti i demokracisë. Zgjedhje do të ketë në qershor në Islandë, Francë dhe Serbi, kurse në korrik në Maqedoninë e Veriut, Spanjë dhe Kroaci. Duhet të kemi zgjedhje edhe në Kosovë e aso lokale në Podujevë. Madje, mundet edhe njëkohësisht.