Ministria e shëndetësisë ka njoftuar se janë konfirmuar të infektuar 15 persona, nga 186 testime të kryera gjatë 24 orëve të fundit.
Dr. Flutura Beqo, nga Ministria e Shëndetësisë ka njoftuar se vetëm në qytetin e Durrësit janë shënuar 13 raste pozitive për koronavirus.
Ndërkohë 2 rastet e tjera janë shënuar, 1 në Shkoder dhe 1 tjetër në Tiranë.
Sipas Ministrisë së Shëndetësisë, gjatë 24 orëve të fundit, janë shëruar 16 qytetarë duke bërë që 79 % e të infektuarve të rikuperohen plotësisht. Për Ministrinë e shëndetësisë situata epidemiologjike paraqitet e qëndrueshme dhe nën kontroll.
