Gjykata e Tiranës pritet të jap masën e sigurisë 8 personat e tjerë që janë arrestuar pas protestës më 17 maj.
Mësohet se tetë të arrestuarit do të futen një e nga një përballë gjyqtarit Albert Meça, pra jo të gjithë bashkë. Personat që do të dalin sot para gjyqtarit Meça janë: Erik Mertiri, Endrit Mertiri, Bojken Abazi, Kastriot Qema, Romeo Lilo, Ledion Xhoxhaj, Burim Tafilica dhe Sokol Ndoja.
Tetë të dyshuarit ishin pjesë e protestës që u zhvillua pas shembjes së Teatrit Kombëtar dhe akuzohen për veprime arbitrare, kundërshtim me dhunë të policisë, dhe tubim i paligjshëm.
Gjatë protestës së 17 majit janë shoqëruar për në polici 64 persona, ndërsa policia vetë njoftoi për 7 efektivë të lënduar.
