Ndërkohë që e gjithë bota po sheh dritë në fund të tunelit, duke numëruar ditë pas dite më pak viktima dhe të prekur me covid-19, Brazili është në ditët më të errëta.
Gjatë 24 orëve të fundit janë shënuar 522 viktima, duke e çuar në 17.375 numrin e përgjithshëm të jetëve të humbura. Gjithashtu edhe numri i të prekurve në 24 orët e fundit është i lartë.
6199 të infektuarit me covid e kanë çuar në 261.567 numrin total të të prekurve. Në Brazil janë shëruar gjithsej 100.459 persona, ndërkohë që 8318 pacientë ndodhen në gjendje kritike. Që nga fillimi i pandemisë, në Brazil janë bërë 735.224 testime.
