Një shpërthim i madh zjarri ka ndodhur mbrëmjen e djeshme në Tiranë dhe mësohet se ka ndodhur brenda territorit të Xhamisë së Namazgjasë.
Ende nuk janë të ditura shkaqet e ngjarjes, ndërsa banorët e pallatit pranë kanë dalë jashtë. Në vendngjarje kanë shkuar forca të shumta policie e zjarrfikëse. Nga raportimet paraprake nuk flitet për persona të lënduar.
Mësohet se ka shpërthyer një koktejl molotovi. Nuk dihet ende kush e ka hedhur lëndën plasëse dhe janë po ashtu të paqarta rrethanat, në të cilat ka ndodhur ngjarja. Bëhet me dije se një tjetër koktejl është gjendur në tokë i paplasur jashtë Parlamentit.
/Fax News/
