Një rast i ri është konfirmuar këtë të dielë me koronavirus në Fier. Bëhet me dije se rasti i ri është gruaja e farmacistit, i cili u konfimuar dy ditë më parë. Mësohet se çifti i bashkëshortëve janë dërguar me urgjencë në spitalin Infektiv ku po marrin shërbim më të specializuar.
Gjithashtu dyshohet se dhe një koleg i farmacistit të jetë i infektuar por tashmë pritet përgjigja e tamponit.
Kjo është një vatër e re, ku infektimi është marrë nga një grua shtatzanë e cila kishte ardhur nga Tiranë dhe në fillim ka infektuar vjerrën dhe të birin, më pas edhe farmacistin. Kjo është një vatër që është përhapur me shpejtësi ku dyshohet se mund të kemi dhe raste të tjera të të infektuarish në Fier.
