Droga u kap në një furgon pasagjerësh në Durrës, po çohej në Itali
Policia e Durrësit ka arrestuar dy shoferë të një furgoni pasagjerësh në të cilën janë gjetur të fshehura 5. 5 kilogramë heroinë. Drejtuesit e furgonit tip Benz me targa AA 517 DD ishin Lorand Dhëmbi, 46 vjeç, banues në Tiranë dhe shoferin tjetër Bledar Çapani,49 vjeç, banues po në Tiranë.
Furgoni me pesë pasagjerë i nga Tirana kishte destinacion Italinë, ndërkohë që droga ishte fshehur pas tapicerisë në krahun e pasagjerit. Në njoftimin e policisë së Durrësit thuhet se:
”Arrestimi në flagrancë i tyre u bë pasi: Më datë 07.05.2016, në pikën e kontrollit të automjeteve në vijën e dytë, në Portin e Durrësit, në mjetin furgon tip Benz me targa AA 517 DD (pasagjerësh), me drejtues shtetasin Lorand Dhëmbi dhe shoferin tjetër Bledar Çapani, u gjetën dhe u sekuestruan më cilësive e provave materiale: rreth 5.5. kg lëndë narkotike e dyshuar e llojit heroinë”.
