Kryetari i Kuvendit, Gramoz Ruçi u shpreh se konsultimi virtual në asnjë mënyrë nuk duhet të zbehet.
Në nisje të seancës plenare të ditës së sotme, Ruçi theksoi se “Kuvendi nuk e ka ulur vëmendjen ndaj reformave, e kemi ndjekur atë në drejtësi dhe të tjerat. KED po përpunon për tre vakancat për Kushtetuese, dy të shpallura nga Presidenti dhe një nga Kuvendi”.
Pjesë nga fjala e Ruçit në Kuvend
“Janë zhvilluar mbledhjet e 27 komisioneve të përhershme, ngarkesën më të madhe e kanë pasur Ligjet, Ekonomia dhe Siguria. Kuvendi nuk ka pasur asnjë vonesë apo pengesë. Edhe pse në emergjencë duhet të garantojmë sundimin e shtetit të së drejtës, kërkohet angazhim më i madh komisioneve dhe cdo deputeti ti jepet koha e duhur për të shqyrtuar aktet. Deputetëve dhe publikut më shumë informacion në relacione. Konsultimi virtual në asnjë mënyrë nuk duhet të zbehet, duhet të vendoset në faqet e Kuvendit, që të aksesohet nga grupet e interesit. Duhet të bëhemi më aktivë, mbledhjet elektronike regjistrohen të gjitha. Kuvendi nuk e ka ulur vëmendjen ndaj reformave, e kemi ndjekur atë në drejtësi dhe të tjerat. KED po përpunon për tre vakancat për Kushtetuese, dy të shpallura nga Presidenti dhe një nga Kuvendi. Nuk duhet të humbasë asnjë ditë kohë për plotësimin e tjerave. ILD ka depozituar planin për organikën. Tre kandidatët për gjykatën e Lartë u dekretuan. U miratua deri në 30 qershor komisioni i reformës zgjedhore, i cili do të mblidhet këtë javë. Diskutimi do të jetë i kufizuar në gati dy orë, edhe votimi nominal me fletë votimi” tha Ruçi.
