Zëvendësministri i Mbrojtjes, Petro Koçi ka bërë një koment të thjeshtë në një postim të një poeti himariot që dikur jetonte në Fier. Bëhet fjalë për Stefo Maton, i cili prej kohësh nuk e përdor më gjuhën e mëmës, shqipen, por preferon të vetëshpallet grek me një greqishte të shkruar me gërma latine.
Petro Koçi e kujton ta shkruajë mesazhin e tij në shqip që ta kuptojnë të gjithë.
Këtu sulmet ndaj tij nuk ndalen, madje e akuzojnë se është turk.
Përgjigja e Petro Koçit mbetet e qetë, por shumë kuptimplote: “I dashur Stefo, për mua personalisht greqishtja dhe turqishtja janë gjuhë te huaja. Dhe e vlerësoj shumë faktin që në politikën e jashtme të Shqipërisë Greqia dhe Turqia janë partnerë strategjikë. Respekt për këdo që është disagjuhësh në të shkruar e në të folur. Po të dija greqisht kjo s’do të më bënte më pak shqiptar apo arbër. Ndërkohë unë i ndjej arvanitët si vëllezër. Poezinë tënde e vlerësoj shumë. Është e ndjerë. Të falenderoj që i boton në shqip”.
