Pasditen e sotme është nisur drejt italisë grupi i dytë i mjekëve shqiptarë, të cilët do të japin kontributin e tyre në luftën me koronavirusin.
Mëson se bëhet fjalë për 60 infermierë që do të ndihmojnë kolegët italianë në luftën ndaj koronavirusit. Kujtojmë se ky është kontigjenti i dytë i stafit mjekësor shqiptar që dërgohen në Itali.
“Ju falënderoj dhe jam e bindur se sikur na bëri krenarë grupi parë që nisëm në Itali në misionin e parë për të ndihmuar Italinë, ashtu edhe ju do të na bëni krenarë. Ju falënderoj në emër të kryeministrit.Nëse mendoni se ajo që bëjmë është vetëm një pikë uji në oqean, por pa këtë pikë uji oqeani do të ishte më i vogël. Faleminderit. 60 infermierë do të luftoni me kolegët italianë në frontin e luftës kundër COVID-19. 30 të tjerët do të rikthehen, ju do të vijoni. Është momenti për të treguar shpresë dhe solidaritet për popullin mik italian që na ka mbështetur gjatë këtyre viteve dhe është më e pakta që mund të bëjmë. E treguan edhe më së fundmi me tërmeti“, tha Manastirliu.
