Laçi kthehet në vatër të rrezikshme, shënohen 12 raste gjatë ditës së sotme në këtë qytet

Ministria e Shëndetësisë ka njoftuar se gjatë 24 orëvë të fundit janë konstatuar pozitivë 22 persona duke e çuar në 584 numrin total të të prekurve.

Vetë gjatë 24 orëve të fundit janë shënuar 12 raste të reja në Laç.  Në total, numri i të prekurve në Kurbin ka shkuar në 19. E gjithë kjo rritje ndodhi vetëm brenda pak ditëve.

Shkodra është rrethi i dytë me numrin më të madh të të prekurve krahas Tiranës, ndërsa shqetësuese është situata në Krujë dhe Laç, ku dyshohet se një fasoneri ka infektuar një numër të madh grash në të dy qytetet.

Aktualisht në vendin tonë janë 231 persona të infektuar aktivë. Përqindja e të shëruarve është më e lartë krahasuar me të infektuarit aktivë dhe kjo tendencë tashmë vazhdon pa luhatje prej më shumë se një jave.

Rastet e reja me koronavirus gjatë ditës së sotme
-Laç, 12 raste
-Tiranë,  2 raste
-Shkodër, 3 raste
-Krujë, 5 raste

Raste totale me koronavirus sipas qyteteve

– Tiranë 253 raste
– Durrës 42 raste
– Lushnje 6 raste
– Elbasan 16 raste
– Fier 36 raste
– Kavajë 9 raste
– Rrogozhinë 4 raste
– Korçë 19 raste
– Vlorë 5 raste
– Shkodër 99 raste
– Lezhë 14 raste
– Berat 2 raste
– Has 13 raste
– Krujë 23 raste
-Tropojë 4 raste
– Pukë 5 raste
– Mirditë 3 raste
– Kukës 11 rast
-Mallakastër 1 raste
– Kurbin 19 raste.