Deputeti Myslim Murrizi nëpërmjet një interviste të dhënë e quan demagogji dhe propagandë nismën e qeverisë për ashpërsimin e Kodit Penal, për dënimin me burg të personave që thyejnë rregullat e karantinës.
Murrizi thotë se është kundër ndryshimit të Kodit Penal pasi më herët Rama nxorri nga burgu 600 të dënuar që të mos infektoheshin nga covid-19.
“Çfarë do të sjellë ashpërsimi i Kodit Penal, kur Rama para pak kohësh nxori nga burgjet 600 të burgosur për të mos u infektuar me Covid-19. Çfarë do të zgjidhe ky ashpërsim? Kush e ka penguar mazhorancën prej 7 vitesh që ta ndryshojë? Kjo është demagogji dhe propagandë për të trembur njerëzit. Ku do t’i çojë, do të bëjë stadiumin në burg. Jam kundër kësaj gjejë. I kemi mbyllur shqiptarët për një muaj në shtëpi, u kemi thënë se do tu japim paratë luftës, dhe nuk u ka ardhur asnjë lek. Bizneset e mëdha më kanë thënë që jo vetëm nuk kanë marrë lekë, por u janë faturuar taksa dhe drita 9 mln lekë nga marsi i kaluar. Të nxjerrin një listë konkrete se cilët punëtorë nga bizelet e vogla që kanë përfituar, pse e mbajnë sekret?”, u shpreh Murrizi.
