Profesori Mauro Ferrari, president i Këshillit Evropian të Kërkimit, shkencëtar kryesor i Bashkimit Evropian, ka dhënë dorëheqjen. Mauro Ferrari u shpreh i zhgënjyer me mënyrën si po menaxhohet kriza e Covid-19. Ai nuk arriti dot të bindte Brukselin që të krijonte një program shkencor në shkallë të gjerë për të luftuar Covid-19.
“Jam jashtëzakonisht i zhgënjyer nga përgjigjja evropiane për Covid-19. Kam mbërritur në ERC si një mbështetës i zellshëm i BE-së, por kriza e Covid-19 ndryshoi plotësisht pikëpamjet e mia, megjithëse idealet e bashkëpunimit ndërkombëtar unë vazhdoj t’i mbështes me entuziazëm”, tha Ferrari.
Profesori propozoi më herët të krijonte një program të veçantë ERC për të luftuar Covid-19: “Mendova se në një kohë si kjo, shkencëtarët më të mirë në botë duhet të pajiseshin me burime dhe mundësi për të luftuar pandeminë, me ilaçe të reja, vaksina të reja, mjete të reja diagnostikuese, qasje të reja dinamike të sjelljes bazuar në shkencë, për të zëvendësuar intuitat e improvizuara shpesh të liderëve politikë”.
Shtëpitë e Kranes rrezikojnë të shemben, Romeo i Finiqit bën pazarin e 84 MLN lekëve
Romeo Çakuli i bashkisë Finiq bën pazare me tenderë edhe kur bëhet fjalë për një rrezik të lartë që iu...
