Sporti në Shqipëri po përballet me probleme të mëdha financiare, kjo për shkak të Koronavirusit. Sikur të mos mjaftonte kjo, edhe qeveria ka vendosur të mos japë asnjë ndihmë financiare për këtë fushë.
Mes shumë reagimeve për këtë veprim të qeverisë, reagim i veçantë ka ardhur edhe nga arbitri i njohur shqiptar, Albano Stolaj.
Ky i fundit ka postuar një foto në profilin e tij zyrtar, ku shihen disa nga ministrat dhe ish-ministrat, në një ndeshje bamirësie në “Selman Stërmasi”.
Pikërisht foton e postuar, Stolaj e shoqëron me shkrimin: “Në këto ditë të vështira, sporti ka ngelur në dorë të këtyre me topat në dorë”, duke iu referuar edhe ministrit Ahmetaj që në foto duket duke kapur organet gjenitale./Panoramasport
