Vetë një ditë më parë e përditshmja sportive “TuttoSport”, ka publikuar të martën një intervistë ekskluzive me kryeministrin shqiptar, ku Rama edhe një herë nuk fshehu simpatinë e tij për klubin e Juventuesit dhe për futbollin italian.
Në këtë intevistë, Rama nuk ka rrëfyer vetëm pasionin e tij për sportin por edhe arrestimin e tij në Bolonja të Italisë, gjë e cila nuk është deklaruar më parë nga kryeministri në detyrë i Shqipërisë.
“Shumë e vërtetë, por dilnim nga 50 vite në bunker. Dukej sikur ne dolëm në sipërfaqe nga deti vetëm për të trembur fëmijët. Një herë më kanë arrestuar në Bolonja, pasi u revoltova ndaj një polici, i cili pyeste një grua shtatzënë se çfarë kishte në bark. I afroi qenin dhe ajo, e cila nuk dinte italisht, ra në gjendje të fikëti.”, ka deklaruar Rama për gazetë sportive “TuttoSport”.
Pas këtij rrëfimi të “sinqertë” të kryeministrit, sipas ligjit të dekriminalizimit Rama rrezikon shkarkimin nga detyra e kryeministrit pasi nuk e ka deklaruar arrestimin e tij në Itali. Në rast mosdeklarimi ligji dikton se kryeministri në detyrë humbet të gjitha funksionet publike.
