Kryeministri Edi Rama u shpreh se vendi ka hyrë në një javë të vështirë, ndërsa i ka bërë thirrje qytetarëve të mos thyejnë masat vendosura.
Rama ka shpërndarë në Facebook videon më të shikuar dje në SHBA e cila kishte lidhje me koronavirusin dhe shprehet se në këtë situatë në të cilën ndodhet vendi qytetarët duhet të tregojnë shumë durim.
Postimi i plotë
“Kemi hyrë në një javë tejet të vështirë dhe po humbasim njerëz.
Kemi vetëm një gjë në dorë për të kursyer sa më shumë jetë dhe lehtësuar sa të mundemi vuajtjet e mëdha:
Të shtrëngojmë dhëmbët dhe durojmë, durojmë, durojmë, duke mos shkelur ligjin e luftës për kufizimin e lëvizjes; duke mos dalë nga shtëpia kot; duke ecur vetëm në rrugë kur kemi një domosdoshmëri jashtë shtëpisë; duke ndenjur në radhë në distancë minimumi 1 metër pas kurrizit të njëri – tjetrit kur bëjmë pazar; duke rezistuar, rezistuar, rezistuar.
*Kjo video është videoja më e shikuar mbrëmë në Shtetet e Bashkuara të Amerikës”.
