Ambasadorët e Shteteve të Bashkuara dhe Bashkimit Europian në Tiranë, Donald Lu dhe Romana Vlahutin, zhvilluan një takim përreth 30 minuta me kreun e Kuvendit Ilir Meta, ne prag te mbledhjes së Komisionit të Posaçëm për Reformën në Drejtësi qe mbahet tani ne mesdite.
Në njoftimin për shtyp të Kuvendit, behet e ditur seMeta ka deklaruar se miratimi i shpejtë i paketës kushtetuese i domosdoshëm. “Nuk duhet të humbasim asnjë ditë për reformën në drejtësi, mirëpresim angazhimin e EURALIUS dhe OPDAT” është shprehur Meta.Kreu i Kuvendit theksoi domosdoshmërinë e miratimit sa më të shpejtë të reformës edhe pas Konferencës së reformës në drejtësi. “Duhet miratuar reforma në drejtësi sa më parë, s’duhet humbur kohë”.
Ne nje aktivitet tjeter sot Kryetari i Kuvendit Ilir Meta përsëriti apelin për miratimin e reformës në drejtësi para mbylljes së këtij sesioni parlamentar. ”Të japim mesazh Brukselit se reforma s’ishte lojë për t’i lënë përgjegjësinë njëri-tjetrit. Se jemi shtet i standardeve evropiane. Ndryshimet Kushtetuese të miratohen në javët, jo në muajt që vijnë, kjo është domosdoshmëri. Diferencat shihen si pretekse për të vonuar reformën në drejtësi. Jemi në momentin e finalizimit të ndryshimeve kushtetuese. Baza e konsensusit mes palëve është shumë më e gjerë se diferencat. Vonimi i miratimit të ndryshimeve mban peng axhendën e integrimit”, tha sot ai.
