Për shkak të frikës nga koronavirusi, rreth 500 punonjës të një fasonerie në zonën e autostradës kanë dalë në protestë prej dy ditësh.
Raportohet se që sot në mëngjes nuk kanë pranuar të futen në ambientet e punës, duke kërkuar që kompania t’u ofrojë masa mbrojtëse gjatë punës ose nëse nuk mundet, t’i dërgojnë në shtëpi pasi i tremben përhapjes së koronavirusit.
Ata shprehen se administratori u ka thënë se nëse marrin dy javë pushim, kjo kohë nuk do t’u paguhet.
Gjatë protestës, në vend ka ardhur edhe policia e cila ka kërkuar shpërndarjen për shkak të masave mbrojtëse ndaj koronavirusit.
