Për banorët e 10 fshatrave të Njësisë Administrative Gosë udhëtimi me mjetet e transportit publik është bërë mjaft i vështirë. Mos ndalimi i automjeteve të transportit poblik të linjave veri- jug apo anasjelltas për gjatë autostradës Kavajë- Rrogozhinë ka ngritur sot në protestë banorët e Njësisë Administrative Gosë të cilët kërkojnë zgjidhjen e këtij problemi që zgjat me vite.
Një tjetër banor shprehet se më shumë i kushton rruga nga vend ndalimi në Gosë se nga Gosa në Tiranë.
“Kur duhet të ikim në Tiranë kemi vetëm dy zgjidhje, ose të presim me orë të tëra në rrugë se dikush do të ndalojë të na marrë ose duhet që fillimisht të ikim në Kavajë ose Rrogozhinë. Pse duhet që ne të përdorim dy linja? Kështu ne harxhojmë më shumë kohë dhe para, është e pakuptimtë, prandaj ne duam zgjidhje që na lehtëson dhe jo vështirëson transportin”, thotë një banor.
“Ne jemi në qendër të rrugës të kësaj rruge, pse duhet të shkojmë në fillim apo në fund për të udhëtuar” u shpreh një banor tjetër.
