Presidenti Ilir Meta pak orë para manifestimit që do të zhvillohet në orën 17:00, shprehet se sot është koha e Besëlidhjes së Re, e cila vjen me Pranverën Kuq e zi.
Meta ka postuar në “Facebook” një fotografi të Besëlidhjes së Lezhës, ku Gjergj Kastrioti dhe princat arbëreshë lidhën besën për të mbrojtur trojet shqiptare më 2 mars 1444.
Postimi i presidentit Ilir Meta:
Heroi ynë kombëtar Gjergj Kastrioti Skënderbeu, siç me të drejtë ka thënë Fan Noli, do të mbetet shqiptari më i gjallë ndër të gjallët, figura më shpëtimtare dhe më frymëzuese për mbijetesë e kombit tonë, që testament na ka lënë domosdoshmërinë e bashkimit në momentet më të rrezikshme të ekzistencës së kombit tonë.
Sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, uroj të na ndihmojë ne të gjithëve për reflektuar, për t’u ngritur dhe bashkuar sa nuk është vonë, në një Besëlidhje të re, po aq të fortë e gjithëpërfshirëse, përballë një rreziku të ri pushtimi nga një sekt mafioz, pa fe, pa familje, pa atdhe, që ka marrë peng të ardhmen e çdo shqiptari!
Zëri i popullit është zëri i Zotit! Erdhi koha të dëgjohet sa më fort!
Mirësevjen BESËLIDHJA E RE me Pranverën Kuqezi! ??
#PërKushtetutën #PërRepublikën #PërShqipërinë #PërKombin #BashkohuEdheTi
