Në portin e Tripolit në Libi, një anije shqiptare është bombarduar me kundërtank nga forcat e gjeneralit Khalifa Haftar, pasi po transportonte armatime nga Turqia drejt Libisë.
Mësohet se anija shqiptare me emrin “ANA”, ishte ankoruar fillimisht në portin e Mersinit në Turqi, ku ekuipazhi shqiptar ia dorëzoi disa shtetasve turq. Pasi u ngarkua me armatime, anijes iu fshinë simbolet shqiptare për ta bërë të vështirë identifikimin e saj.
Por qeveria libiane e njohur nga Kombet e Bashkuara mohoi prezencën e anijes turke në port.
Sipas zëdhënësit të forcave qeveritare Mustafa al-Mujie, në portin e Tripolit ka pasur një sulm nga forcat e Haftar që ka shkaktuar panik dhe ka bllokuar punën e anijeve komerciale, por mohoi prezencën e anijes turke të ngarkuar me armë.
Ai tha se porti përdoret vetëm për qëllime civile dhe nuk ka asnjë bazë ushtarake apo armatime.
Turqia ka dërguar në Libi trupa dhe mjete ushtarake për të mbështetur qeverinë me bazë në Tripoli të drejtuar nga Fayez al-Sarraj, si dhe është akuzuar për dërgimin e mercenarëve sirianë, përfshi edhe luftëtarë të ISIS.
Pas rekordit Itali-Karaburun, Eva Buzo rikthehet në Vlorë dhe përshkon me not ishullin e Sazanit –
Avokatja dhe notarja shqiptaro-australiane Eva Buzo është rikthyer sërish në Vlorë për të realizuar një tjetër sfidë të veçantë sportive...
