I dënuari për vrasjen e komisar Dritan Lamajt i arrestuar nga policia hollandeze, kishte përdorur idenitetin e Cepës
Renato Cepa, identiteti i të cilit është përdorur nga, Arben Frroku, ka sqaruar se nuk ka asnjë lidhje me Frrokun. Në një prononcim për “Gazeta Shqiptare, ai thotë se është nënshtetas grek dhe se dokumentet i ka në shtëpi. “Që në momentin e parë kur doli kjo histori jam ndjerë vërtet shumë keq. Nuk kam të bëj fare me këtë histori dhe po më shkatërrohet familja nga e gjithë kjo situatë. Nuk jam larguar nga shtëpia asnjëherë madje kam shkuar edhe në Polici dhe Prokurori me dëshirë për të mësuar më shumë por me kanë thënë që nuk ka asnjë urdhër ndalimi për mua. Nuk e di nga kanë dalë të tilla fjalë. Unë të gjitha dokumentat e mia i kam në shtepi. Jam nënshtetas grek” shprehet Cepa.
Renato Cepa thotë se hera e fundit kur ka lëvizur drejt Greqisë ka qenë këtë të mërkurë për të bërë kursin e patentës greke, ndërsa në Maqedoni ka qenë djali i tij për të blerë karburant për makinën. “Nuk kam asnje lidhje dhe nuk e di si eshte gjetur ai person me identitetin tim apo nga e ka gjetur pasi une te gjitha dokumetat i kam ne shtepi. Po kaloj nje moment mjaft te veshtire per shkak te zerave qe po qarkullojne rreth meje.” Ka sqaruar Cepa.
