Njësia Speciale OFL e Policisë së Shtetit i ka sekuestruar mbrëmjen e sotme një makinë të blinduar biznesmenit durrsak Dashamir Gjoka.
Dy ditë më parë efektivët e OFL i dërguan Gjokës një formular për të justifikuar pasurinë, por mbrëmjen e sotme në përfundim të afatit, ata nuk kanë marrë asnjë përgjigje nga biznesmeni. Paraprakisht bëhet me dije se dhe vetë Dashamir Gjoka është shoqëruar në Policinë e Durrësit dhe është marrë në pyetje për mosjustifikimin e pasurisë dhe deklarimin e saj në formularin e OFL.
Kujtojmë se, biznesmeni Dashamir Gjoka është banues në Durrës, dhe rezulton i dënuar në Itali për veprën penale “Trafik i qenieve njerëzore”. Ai është dënuar në shtetin fqinj me 7.5 vite burg për shfrytëzim prostitucioni.
Gjoka nuk është i panjohur për drejtësinë. Pas një procesi të nisur në vitin 2015 atij i janë sekuestruar pasuritë që disponon dhe mësohet se i janë konfiskuar pasuri me vlerë 200 milionë lekë të reja të cilat më pas i janë kthyer me vendim të Gjykatës për Krime të Rënda në vitin 2017
