Presidenti i vendit, Ilir Meta ka zhvilluar sot një takim me kongresmenin Eliot Engel.
Përmes një postimi në “Facebook”, Meta bën me dije se gjatë bisedës me Engel, u vlerësua rëndësia e partneritetit strategjik dhe forcimi i mëtejshëm i marrëdhënieve shqiptaro-amerikane.
Postimi i plotë
Përherë i lumtur të takohem me mikun e çmuar të kombit shqiptar, Eliot Engel, Kryetar i Komisionit për Politikën e Jashtme në Kongresin Amerikan.
Në bisedën e përzemërt dhe të hapur, vlerësuam rëndësinë e partneritetit strategjik dhe forcimit të mëtejshëm të marrëdhënieve të shkëlqyera shqiptaro-amerikane.
Si njohës i shkëlqyer i rajonit, ai është edhe një përkrahës i angazhimit të vazhdueshëm të SHBA për të konsoliduar të gjitha arritjet e deritanishme në Ballkan për paqen, stabilitetin, sigurinë, demokracinë e shtetin ligjor, dhe forcuar lidhjen tonë transatlantike.
