Lubonja: Në se kjo do të kishte ndodhur në Britani, londinezët do ta kishin djegur zyrën kryeministrit
Garda e Republikës ka ndaluar përfaqësues të shoqërisë civile të marrin pjesë në dëgjesën që po zhvillonte kryeministri Edi Rama, për stadiumin kombëtar në Tiranë ndërkohë që. Në grupin e shoqërisë civile ishin edhe gazetarët Fatos Lubonja, Ylli Rakipi, Andi Bushati si dhe drejtuesi i Lëvizjes për Tiranës, Gjergj Bojaxhiu.
Njëri prej tyre, analisti Fatos Lubonja ka reaguar mjaft ashpër kundër kryministrit duke theksuar se në se kjo ndodhte në një vend si Britania, londinezët do ta kishin djegur sot zyrën e kryeministri dhe jo si shënjë protestë kundër ndërtimit të stadiumit por për demokracinë e cënuar nga vetë kryeministri.
“U ftuam si publik për prezantimin e një projekti si stadiumi kombëtar. Çuditërisht ky takim u organizuar në ambjentet e një privati (klient i tenderave të kryeministrit) dhe jo në një ambjent publik. Cudia smbaron këtu. Rojet e ketij privati ndalojnë me dhunë hyrjen në sallë të atyre që Kryeministri i ka në listë si kritikë të projektit. Në salle hyjnë vetëm yesmenët e tij. Dhe e gjithë shfaqja transmetohet live si paraqitje para publikut e projektit. Kjo është për mua zhveshja krejtësisht e maskës.
Treguesi se në çfarë shkalle shteti është kapur nga privatët të cilët në bashkëpunim me maskat e tyre si Kryeministri e shërbëtorët e tij grabisin publikun dhe rrahin apo ndalojnë sa herë tentojnë të mbrojnë pronën publike që po u grabitet. Përdorimi i policëve privatë për të bërë akte të tilla ndërkohë që projekti është kryer në kundërshtim edhe me ligjet në fuqi tregon se shteti ynë funksionon si organizatë kriminale. E gjitha kjo që ndodhi e tejkalon shumë çështjen e një projekt stadiumi. Dhe meqë është folur shumë për Ëemblin si shembull i një statiumi historik që prishet duke na krahasuar me britnikët po ju them se po të ishte vepruar kështu siç veproi sot ky Kryeministër në Londër, sot do të ishte djegur nga londinezët selia nr 10 ne Doëning Street, jo thjesht për të mbrojtur një stadium, por për të mbrojtur demokracinë, lirinë dhe dinjitetin qytetar..”
