Ka mundësi që të dy finalet e kontinentit të diskutohen nga katër skuadra iberike, duke filluar me Vijareal – Sevilja për Europa League dhe përfunduar me Atletiko – Real Madrid në Champions
Diçka e çuditshme po ndodh në futbollin e nivelit të lartë, por edhe për t’u shqetësuar njëkohësisht. Skuadrat spanjole po dominojnë këtë sport në kontinent, si në Champions, ashtu edhe në Europa League. Madje pas ndeshjeve të para në të dy kompeticionet ka mundësi që të kemi dy finale derbi, që do të ishte një rekord absolut. Atletiko – Real si në vitin 2014 dhe Vijareal që mund të kërkojë të prishë dominimin e Seviljas për trofeun e dytë për nga rëndësia. Ja pra se cilat mund të jenë finalet që do të ndjekim të shtunën e 28 majit në “San Siro” dhe 10 ditë më përpara për Europa League në “St. Jakob Park” të Bazelit. Edhe shifrat tregojnë për një diktat total të spanjolëve. Mban vendin e parë në klasifikim në rang kombesh, me 25 pikë në avantazh nga ndjekësja më e afërt që është Gjermania, si dhe kanë tre skuadra të renditura midis katër më të mirave të kontinentit, Real në krye të listës, Barça e treta dhe Atletiko e katërta. Janë dy Superkupa europiane të diskutuara së fundi mes tyre, pikërisht Real – Sevilja në 2014 dhe Barcelona – Sevilja një vit më pas. Kanë dy të jashtëzakonshëm në kampinat, Mesi dhe Ronaldo dhe tashmë nuk është aspak e vërtetë që shënojnë shumë, pasi Primera Division lë për të dëshiruar.
