Ambasada Amerikane në Tiranë ka njoftuar se Shtetet e Bashkuara të Amerikës kanë dhuruar sot të tjera ndihma për qytetarët shqiptarë, që u prekën rëndë nga tërmeti i 26 nëntorit.
Përmes një mesazhi në “Facebook”, Ambasada Amerikane shkruan se SHBA iu ka dhuruar Forcave të Armatosura Shqiptare mbi 33 mijë dollarë pajisjesh për raste emergjencash.
“Sot, qeveria e Shteteve të Bashkuara u dhuroi Forcave të Armatosura Shqiptare mbi 330,000 dollarë pajisjesh për raste emergjencash, në mbështetje të përpjekjeve të vazhdueshme humanitare pas tërmetit të 26 nëntorit. Gjeneratorët, tendat, elementët e ngrohjes dhe pajisjet e tjera të dhuruara do të ndihmojnë gjithashtu edhe në përpjekjet e ardhshme humanitare dhe të reagimit ndaj emergjencave. #ShBAQendronKrahShqiperise”, thuhet në njoftimin e ambasadës së SHBA.
