Një 45-vjeçar u gjet i masakruar për vdekje me thikë pranë lokalit të tij mëngjesin e sotëm në Korçë. Flamur Duçi, i cili është gjetur i pajetë jashtë ambienteve të lokalit të tij.
Nga hetimet e para dyshohet se është vrarë me mjete prerëse, ndërsa autorët kanë tentuar ta djegin të gjallë. 45 vjeçari është vrarë mengjesin e sotëm teksa ka shkuar të hapë lokalin e tij dhe i është bërë pritë duke e masakruar me thikë.
Në videon e mëposhtme shihet momenti tronditës kur motra e viktimës shpërthen në lot pasi merr vesh lajmin e kobshëm të vdekjes së vëllait të saj. “Kush e vrau”, thotë ajo, ndërsa të pranishmit tentojnë ta qetësojnë.
Nuk dihet nëse viktima ka pasur ndonjë konflikt të vjetër, apo ngjarja ka ardhur si pasojë e ndonjë konflikti të momentit.
