Presidenti Ilir Meta deklaroi sot se emigrimi është një sfidë e vështirë për vende modeste si ky i yni.
Në fjalën e mbajtur në mbledhjen e parë të Këshillit Koordinues të Diasporës, Meta theksoi se kjo e fundit tashmë ka hyrë në një etapë të re dhe dërgesat e tyre monetare kanë ndikim të pazëvendezueshëm për vendin tonë.
“Remitancat kanë pasur ndikim të jashtëzakonshëm në ekonominë e vendit, jo vetëm kanë ndikuar në uljen e varfërisë por kanë rritur standartin e jetesës për shumë familje shqiptare duke forcuar edhe sektorin e investimeve private. Dërgesat e diasporës janë në nivele të larta krahasuar me investimet e huaja të drejtpërdrejta dhe mbeten një shtyllë e rendësishme e zhvillimit të vendit.
Ndaj duhet bashkëpunojmë edhe më shumnë për të gjetur zgjidhje për problemet që has diaspora për të krijuar një klimë të favorshme për investimet e huaja në Shqipëri, duke krijuar strategji për ruajtjen e gjuhës shqipe, pasi gjuha është ajo që e mban një komb të bashkuar. Shqiptarët janë gjetur gjthmonë pranë njëri tjetrin në momente të vështira, edhe pse larg atdheut kanë qenë gjithnjë me mendje e zemër pranë bashkëatdhetareve, në këtë rast e falenderoj komitetin e diasporës në mbarë botën për ndihmën e solidaritetin në fatkeqësinë që goditi vendin tonë në 26 nëntor”.
