Komisioni i Ekonomisë vendosi sot me 12 voto pro shkarkimin nga detyra të anëtarit të Bordit Mbikqyrës të Bankës së Shqipërisë, Arben Malaj.
Në mbyllje të mbledhjes Malaj u shpreh se ai is heh në sy të deputetëve se nuk kanë kurajo të flasin apo të pyesin.
“Cilat janë provat që keni administruar përveç shkresës për të bërë këtë gjykim? Falenderoj nga zemra solidaritetin socialist, i shikoj në sy të gjithë deputetët socialistë. Më vjen keq që nuk kanë kurajo të bëjnë pyetje ose edhe të flasin dhe të thonë çfarë dëshirojnë. Gjysma rrinë kokëulur dhe gjysma shikojnë sms-të, por ky nuk është gjyqi im, është gjyqi juaj. Ky është gjyqi i pushtetit që kërkon të gjithë pushtetet. Ky është gjyqi i atyre që duan të shtrijnë duart në të gjitha institucionet kushtetuese të vendit. Ju meritoni tu sjell grupin e Vlorës dhe tu këndojë ballë për ballë poezinë e Ali Asllanit. Do ta bëj në seancë”, tha Malaj.
Të mërkurën propozimi i qeverisë do të votohet në parlament.
