Parashikohet rritje të cmimit të naftës, por rënie në prodhime të tjera
Banka Botërore e vlerëson rënien e cmimeve për shumë mallra si shumë të rrezikshme për rritjen ekonomike. Në vlerësimin e fundit të bërë nga ekspertët e Bankës Botërore përvec cmimeve të naftës për të gjithë produktet e tjera parashikohet rënie, ku më e madhja pritet në prodhimet bujqësore. Një situatë pozitive e tregjeve por edhe dobësimi i dollarit, ka bërë që Banka Botërore të ngrejë parashikimin e saj për çmimet e naftës së papërpunuar në vitin 2016 në 41 për fuci nga 37 dollarë për fuçi që ishte vlerësuar tre muaj më parë. Në fakt tregjet e naftës bruto janë përballur me rritje të cmimit nga më i ulti prej 25 dollarë që u regjistrua në mes të janarit në 40 dollarë për fuçi që është tani në muajin prill. Por pavarësisht kësaj situate nuk është aq e qëndrushme sa duket. “Ne presim çmime pak më të larta për mallrat e energjisë në vazhdim të vitit” thotë John Baffes, Ekonomist i Lartë i Bankës Botërore, “megjithatë, çmimet e energjisë mund të bien më tej, nëse OPEC rrit prodhimin në mënyrë të konsiderueshme.”
Ndërkohë të gjitha indekset e mallrave të tjera kryesore të studiuara nga Banka Botërore pritet të kenë rënie gjatë vitit 2016. Çmimet e energjisë, duke përfshirë naftën, gazin natyror dhe qymyrin, parashikohen me një rënie rreth 25 për qind, duke e thelluar parashikimin e bërë në janar po nga Banka Botërore. Për mallrat bujqësore po ashtu parashikohet rënie e mëtejshme e çmimeve. Duke e bërë situatën e tregjeve jo shumë optimiste. Në parashikimin e Bnakës Botërore thuhet se “çmimet e ulëta të mallrave janë duke minuar perspektivat e rritjes për shumë vende”. Me cmime 50 deri në 70 për qind më të ulët se në 2011, projektet e zhvillimit të burimeve natyrore tashmë janë vënë në pritje ose po vonohen në disa vende në zhvillim, dhe këto vonesa mund të ndikojë negativisht në rritjen ekonomike në këto vende thuhet në vlerësimin e Bankës Botërore.
