Ka nisur zbarzja e godinave në Qytet Studenti, për të cilat këshilli bashkiak ka vendosur dje se do të shemben, pasi kanë pësuar dëme të parikuperushme nga tërmeti.
Godina sipas akt-kontatimit është vlerësuar e pabanueshme dhe me një rrezik potencial pasi ka dëmtime në strukturë dhe për këtë arsye është vendosur që të shembej.
Ndërkohë banorët kanë nxjerrë edhe sendet e tyre me vlerë, nga banesat e tyre, ndërkohë që janë ende të paqartë se ku do të zhvendosen.
“Nuk e di ku do të shkoj”- ishte prononcimi i një banori për kamerën e Fax News, ndërkohë që gazetarja nuk u lejua të filmonte më tepër.
