Derbi i shqiptarëve në Maqedoni, Shkëndija-Shkupi ka qenë dhe do mbetet një nga sfidat më interesante të kampionatit, kjo për shkak të rivalitet që kanë dy ekipet e Tetovës dhe të Shkupit. Por kësaj here, derbi i madh i fushës dhe tribunave, do të kthehet në një ndeshje solidariteti.
Vetë Shkëndija ka njoftuar nismën në faqen e saj në Facebook. “Të ardhurat nga shitja e biletave të ndeshjes Shkëndija vs Shkupi do të bashkohen me donacionet e lojtarëve dhe kryesisë për familjet e goditura nga tërmeti në Shqipëri”, shkruan klubi tetovar.
