Komisioni hetimor është mbledhur ditën e sotme për shkarkimin e presidentit Ilir Meta, përfaqësues i opozitës në Kuvend, Alban Zeneli tha se duhet të marrë sa më shpejt një vendimi lidhur me çështjen.
Mes të tjerash, Zeneli tha se nuk do t’i bashkohet asnjë retorike apo pazari që mund të behët presidentin e Republikës.
“Gjej rastin t’ju them se ka një arsye dhe qëllim që është ngritur ky komision. Jemi pak të vonuar, pasi ne kemi pasur kohë të mjaftueshme që ai qëllim që është ngritur ky komision, duhet të kishte mbaruar më herët. Rama ka dalë para Kuvendit dhe ka thënë; “që ai nuk e meriton atë pozicion që ka”. Ne sa më parë, administrimin e këtyre dokumenteve që na kanë ardhur, t’i shqyrtojmë që sot dhe të dalim në një vendim të prerë, se nëse e ka shkelur Presidenti Kushtetutën apo jo. S’do të bëhem pjesë e asnjë retorike apo pazari që doni të bëni me presidentin e Republikës. Ndaj, dua nga ju që një orë e më përpara të marrim në shqyrtim të gjitha informacionet e ardhura nga institucionet. Rama bashkë me drejtues politikë të PS, kanë dalë para opinionit publik dhe kanë thënë; se presidenti nuk e meriton të qëndrojë në atë zyrë”, tha Zenel.
