Regjisorja e njohur kosovare, Arzana Kraja, vajza e kryetarit të Akademisë së Shkencave dhe Arteve të Kosovës, Mehmet Kraja, është gjetur e vdekur në lagjen Kalabria në Prishtinë.
Lajmin e ndarjes nga jeta të regjisores e ka konfirmuar Policia e Kosovës.
“Me datën 13.11.2019 rreth orës 09:08 policia ka pranuar një informatë, për një trup të pajetë në lagjen “Kalabria”, Prishtinë. Njësitë policore kanë dalë menjëherë në vendin e ngjarjes, përfshirë edhe ekipin mjekësor të emergjencës të cilët kanë konstatuar vdekjen e personit të gjinisë femërore”, thuhet në përgjigjen e policisë.
Regjisorja Kraja ishte një nga më të suksesshmet në Kosovë, ndërkaq filmi debutues i saj ishte “Fusha e mëllenjave” ai që hapi dhe shënoi hapjen zyrtare të edicionit të 11 të PriFest, në natën solemne të datës 16 korrik në Teatrin Kombëtar në Prishtinë.
