Duke vlerësuar rolin e rëndësishëm të Gjykatës Kushtetuese në procesin e përafrimit të Shqipërisë me BE-në, ambasadori i Gjermanisë Peter Zingraf shprehet se ky duhet të jetë fokusi kryesor në vend.
Më tej ambasadori thekson se Gjermania do të vazhdojë t’a mbështesë Shqipërinë në përforcimin e drejtësisë dhe shtetit ligjor.
“Në rrugën drejt një Gjykate Kushtetuese funksionale është e rëndësishme, që të gjithë aktorët të marrin përgjegjësitë e tyre në emërimin e gjykatësve kushtetues dhe të mos humbin fokusin.
Ne përshëndesim vendimin e sotëm të parlamentit shqiptar. Bundestag-u Gjerman e ka theksuar në vendimin e tij të datës 26 shtator 2019 se sa e rëndësishme është rivendosja në funksionalitet e Gjykatës Kushtetuese edhe për procesin e përafrimit të Shqipërisë me BE-në. Gjermania do të vazhdojë ta mbështesë Shqipërinë në përforcimin e drejtësisë dhe shtetit ligjor”, shprehet ambasadori.
