I shpalluri në kërkim për atentatin e 1 nëntorit pranë “Mbikalimit të Shkozetit”, Julian Sula u shpreh se nuk ka lidhje me ngjarjen. Në një lidhje telefonike për Abc News, Sula shprehet se ndodhet në Turqi për një vizitë shëndetësore.
I pyetur nëse kishte njohje me Redjan Rrajën, të arrestuarin e vetëm mbi ngjarjen, Sula e ka mohuar një gjë të tillë. Ai më tej shprehet se mëngjesin e ditës e nesërme do të paraqitet në polici për të dëshmuar.
“Nuk e di se sot erdha kam qenë vizitë në Turqi se jam keq nga mushkëritë, flas me avokatin, i thashë pse më kërkojnë dhe foli avokati me shefin e komisariatit dhe drejtorin dhe ata i thanë nga ne nuk ka gjë, i pyeti pse i keni vajtur kontroll.
Nuk kam asnjë lidhje me ngjarjen, nuk i njoh ata persona. Në momentin që ka ndodhur ngjarja unë kam qenë në Turqi. Nuk e njoh Redjan Rrajën. Nuk e njoh prokurorin Ndoj. Hera e parë që e dëgjoj. Jo fare, as Pëllumb Muharremin.
Unë do të shkojë në polici që nesër në mëngjes. Jam i gatshëm të paraqitem se po dëgjoj lloj-lloj gjërash. Goca me psikolog se me kanë çakorduar familjen. Që nesër në mëngjes jam te dera”, deklaroi Julian Sula.
