Prokurori Arjan Ndoji ka përgënjeshtruar të gjitha deklaratat që janë publikuar ditën e djeshme në emër të tij.
Ndoji ka folur për gazetaren e Fax News, Albana Aliaj ku ka deklaruar se nuk ka dhënë asnjë prononcim më parë për atentatin në Durrës.
“Të gjitha që thuhen në emrin tim janë spekulime. Nuk kam dhënë asnjë intervistë apo prononcime deri më tani për gazetarët”, tha Ndoja.
Kujtojmë që ditën e djeshme bëri bujë një lajm se prokurori Ndoja kishte pranuar se në makinën e tij ishin gjetur disa shkresa, dokumente dhe fotokopje të dosjeve për të cilat ai ka ofruar konsulencë ligjore.
