Një vrasje me armë zjarri ka tronditur këtë mesditë Shkodrën. Nga raportimet e para thuhet se është qëlluar për vdekje një person.
Ngjarja ka ndodhur në orën 10:40 të paradites sotme në fshatin Sume të Dukagjinit, ku viktimë ka mbetur 43-vjeçari Gj.K.
Sipas ABC News zona e thyer dhe mungesa e rrugës bën që policia të mos ketë shkuar ende në vendin e ngjarjes.
Njoftimi i policisë:
Me datë 06.11.2019, rreth orës 11:40, në fshatin Sumë, Njësia Administrative Pult, Shkodër, në rrethana ende të paqarta është qëlluar me armë zjarri shtetasin Gj. K. 43 vjeç, i cili ka ndërruar jetë.
Në drejtim të vendngjarjes janë nisur shërbimet e policisë dhe grupi hetimor për sqarimin e rrethanave të kësaj ngjarje.
