Pentagoni publikoi pamje të reja nga sulmi i forcave speciale ku mbeti i vrarë lideri i ISIS, Abu Bakr al-Baghdadi bashkë me dy fëmijët e tij.
Gjatë një konference për shtyp ditën e djeshme, komandanti i Komandës Qendrore Amerikane, Gjenerali Frank McKenzie, tha se për të vërtetuar identitetin e Al-Baghdadit ishte përdorur testi i ADN-së, pasi një kampion prej saj ishte marrë në një kamp në Irak.
McKenzie konfirmoi se lideri i ISIS “u zvarrit në një tunel me dy fëmijë të vegjël dhe hodhi veten në erë ndërsa njerëzit e tij qëndruan lart”.
Gjithashtu McKenzie tha se informacioni i ri i përditësuar kishte zbuluar se vetëm dy fëmijë ishin me të, të dy nën 12 vjeç.
