Presidenti Ilir Meta ka nisur këtë të martë një vizitë shtetërore në Kroaci, me ftesë të homologes kroate Kolinda Grabar-Kitarović.
Gjatë vizitës së tij shtetërore Meta është nderuar sot në një ceremoni solemne, nga Presidentja kroate Kolinda Grabar-Kitaroviç, me Titullin më të lartë të Republikës së Kroacisë, “Urdhri i Lartë i Mbretit Tomislav me Shirit dhe Yllin e Madh”.
Ky titull i është atribuar presidentit Meta për kontributin dhe veprimtarinë e Tij të spikatur në forcimin e marrëdhënieve midis dy vendeve dhe popujve tanë, dhe fqinjësisë së mirë midis vendeve të Ballkanit Perëndimor.
“Ky vlerësim më motivon për të punuar pa u lodhur për forcimin e mëtejshëm të marrëdhënieve të shkëlqyera historike e tradicionale mes dy vendeve e popujve tanë në të gjitha fushat. Shqipëria dhe Kroacia, partnerë strategjikë, krah për krah në çdo sfidë!” shpreh mirënjohjen e thellë për nderimin me titullin e lartë presidenti Meta.
https://www.facebook.com/ilirmetazyrtar/videos/2289775104615608/
