Presidenti Ilir Meta ka nisur këtë të martë një vizitë shtetërore në Kroaci, me ftesë të homologes kroate Kolinda Grabar-Kitarović.
Gjatë vizitës dyditore, Meta do të takohet edhe me Kryetarin e Kuvendit Gordan Jandroković, Kryeministrin Andrej Plenković, si dhe me përfaqësues të komunitetit shqiptar.
Vizita e Kreut të Shtetit në Zagreb vjen në prag të marrjes për herë të parë të Presidencës së Bashkimit Europian nga Kroacia. Në Zagreb, në maj 2020, do të zhvillohet edhe Samiti i radhës që do të marrë në shqyrtim kërkesën e Shqipërisë dhe Maqedonisë së Veriut për hapjen e negociatave me Bashkimin Europian.
