Mediat kanë nxjerrë detaje nga operacioni i një ditë më parë i ushtrisë amerikane, për vrasjen e kreut të Shtetit Islamik, al Baghdadi.
Sipas të dhënave, kreu i ashtuquajturit “Kalifati islamik” hodhi veten në erë sapo pikasi se ishte rrethuar nga ushtarët. Bashkë me të humbën jetën dhe dy gratë e tij dhe raportohet se fëmijët kanë mbetur të paprekur.
Njeriu më i kërkuar në planet në 5 vitet e fundit aktivizoi një xhup me eksploziv, në shtëpinë ku fshihej në fshatin Brisha të provincës Idlib, i cili shkaktoi një shpërthim të fuqishëm.
Lajmi për vdekjen e kreut të ISIS ende nuk është konfirmuar zyrtarisht ndërkohë që po kryen teste biometrike dhe të ADN për të përmbyllur hetimet.
