Një kërcënim me armë ka ndodhur mbrëmjen e djeshme në masivin pyjor të Kaptinës së Martaneshit në Bulqizë.
Disa persona që ndodheshin në dy fuoristrada kanë kërcënuar grupin e inspektorëve që kishte ngritur një pikë kontrolli në rrugën drejt Tiranës. Kërcënimi me armë zjarri është bërë teksa inspektorët kishin ndaluar një kamion që po transportonte lëndë drusore.
Inspektorët e Inspektoritatit Shtetëror të Mjedisit, Pyjeve, Ujërave dhe Turizmit kanë lajmëruar policinë e Bulqizës e cila mësohet se është nisur drejt vendit të ngjarjes. Po ashtu mësohet se është lajmëruar edhe policia e Tiranës pasi dyshohet se autorët janë larguar drejt kryeqytetit.
