U mbyt në Karaburun, gjendet trupi i pajetë i peshkatarit

Incident sigurie në prag të samitit europian në Tivat, autoritetet malazeze dëbojnë 87 serbë –

favorizim i Eurocol në tenderin e Albcontrol –

Provimi i parë i Maturës Shtetërore, maturantët në Peqin u përjashtuan pasi futën fshehurazi celularë –

Bordi cakton çmimet e reja për karburantet, rriten përsëri nafta dhe benzina –

Polumbarët e Forcës Detare kanë gjetur trupin e pajetë të peshkatarit të zhdukur prej mbrëmjes së kaluar në Vlorë.

Mësohet se peshkatari 60-vjeçar u zhduk mbrëmjen e kaluar pranë vendit të quajtur “Raguna 1” në Karaburun ku kishte hyrë në det për të gjuajtur peshk me pushkë sportive. Mbrëmjen e kaluar kërkimet u ndërprenë për shkak të motit të paqëndrueshëm dhe rifilluan mëngjesin e sotëm nga Stacioni i Policisë së Orikumit, Policia Kufitare dhe Polumbaret.

“Roja Bregdetare e Forcës Detare, e mbështetur edhe nga Policia Kufitare për disa orë u angazhuan në operacionin e kërkimit nga deti dhe toka në Gjirin e Dukatit për peshkatarin e zhdukur dje. Shtetasi M.A., 60 vjeç, i veshur me kostumin e zhytjes u gjet në thellësinë 5 metra nga polumbarët e Forcës Detare”, njofton Ministria e Mbrojtjes.