Zëvendës Drejtoresha e Kadastrës Durrës, Lusiena Kola është arrestuar, ndërkohë që është shpallur në kërkim ish-drejtori i ALUIZNI-t të qytetit, Flamur Gjuzi, të dyshuar se kanë shpërdoruar detyrën në legalizimin dhe regjistrimin e disa pronave të paluajtshme.
Mësohet se Lusiena Kola është arrestuar të premten në mbrëmje nga policia me urdhër të prokurorisë dhe është dhënë masa “Detyrim paraqitje”, ndërkohë Gjuzi është ende në kërkim.
Bashkë me Kolën, në momentin e parë janë shoqëruar edhe dy zyrtarë të tjerë të Kadastrës së Durrësit, të cilët më pas janë lënë të lirë.
Këta zyrtarë në bashkëpunim me njëri-tjetrin u kanë dhënë disa shtetasve, në kundërshtim me ligjin, dokumentat e pronësisë në zonën e bregut, por edhe në pjesë të tjera të qytetit të Durrësit.
Ndërkohë vazhdojnë të jenë nën hetim edhe zyrtarët e tjerë, të cilët janë pjesë e Hipotekës dhe ALUIZNI-t, para se këto dy struktura të bashkoheshin në një institucion të vetëm.
Si u mashtruan vajzat kolumbiane për t’u kthyer në punonjëse seksi në Shqipëri, rrëfimi i 23-vjeçares –
Trafikantët nuk dërgojnë vetëm kokainë nga vendet e Amerikës Latine.Në këtë moment, në Kolumbi, policia nuk po i lexon të...
