Presidenti Ilir Meta uron ekipin e Kosovës për fitoren e arritur, por edhe tifozët e mrekullueshëm për mbështetjen e fortë.
Kombëtarja e Kosovës fitoi me rezultatin 2-1 ndaj Çekisë, ndeshje e vlefshme për eleminatorët e Europianit 2020.
“Emocione të jashtëzakonshme përjetova sot në stadiumin “Fadil Vokrri”, kur Dardanët përmbysën rezultatin duke shënuar një fitore historike ndaj Çekisë! Edhe pse pa pesë titullarë, ata treguan se shpirti i ekipit është gjithçka për Fitore!Urime edhe tifozëve të pamposhtur!” shkruan Meta në një status në facebook, bashkëngjitur fotove nga festa në stadimiun “Fadil Vokrri”.
